Դադաևը արտաքնապես չի համապատասխանում Նեմցովին սպանողին. նոր վկա է հայտնվել

Ռուսաստանցի ընդդիմադիր գործիչ Բորիս Նեմցովի սպանության գործով նոր՝ անմիջական վկա է հայտնվել, որը չի հաստատում, սակայն, Նեմցովի սպանության մեջ կասկածվող Զաուր Դադաևի խոստովանական ցուցմունքը: Այդ մասին գրում է Коммерсантъ-ը՝ հետաքննությանը ծանոթ իր աղբյուրին հղումով:

Այսպես՝  Նեմցովի սպանությանն ականատես է դարձել 27-ամյա մենեջեր Եվգենին, ով դեպքի օրը քայլել է Նեմցովի և նրա ընկերուհու հետևից:

Նրա խոսքով՝ դեպքի վայրից փախուստի դիմած ենթադրյալ մարդասպանն արտաքնապես զգալիորեն տարբերվում է Դադաևից: Նա, ըստ վկայի, միջահասակ, նիհար և մուգ, հնարավոր է` ալիքավոր մազերով տղամարդ էր, մազերի երկարությունը մոտ 4 սմ: