Հարավային Կալիֆոռնիայի համալսարանը Հայոց ցեղասպանության 100-ամյա տարելիցի նոր կայք է կյանքի կոչել

Հարավային Կալիֆոռնիայի համալսարանի հայկական ուսումնասիրությունների ինստիտուտը year100.org անունով տեղեկատու կայք է կյանքի կոչել, որում կամփոփվի Հայոց ցեղասպանության 100-ամյա տարելիցի կապակցությամբ  ամբողջ աշխարհում կայանալիք միջոցառումների ցանկը. տեղեկացնում է «Ակօս»-ը:

Կայքը եռալեզու է՝ հայերեն, անգլերեն, թուրքերեն: 2015 թվականին հրատարակված գրքերը, կազմակերպված համաժողովներն ու տարբեր միջոցառումները եռալեզու տարբերակներով հասանելի կլինի տեղեկատու կայքում:

Հայկական ուսումնասիրությունների ինստիտուտի տնօրեն Սալբի Ղազարյանն ասել է, որ կայքը հասանելի է ոչ միայն ակադեմիկոսներին, այլև բոլորին: «Կայքը ոչ միայն լույս է սփռում անցյալի վրա, այլև մի կարևոր կարծիք հայտնում, թե կայանալիք միջոցառումների արդյունքում ապագայում այդ հարցն ի՞նչ ուղղություն կստանա»,- ասել է նա: