Ղազախստանը չգիտի՝ արժե վերացնել ԵՏՄ-ում ռեզիդենտության սկզբունքը

Ղազախստանը ԵՏՄ գործընկերներից ժամանակ է խնդրել` մտածելու համար, թե արդյո՞ք պատրաստ է ռեզիդենտության սկզբունքի վերացմանը: Այդ մասին Մինսկում հայտնել է մաքսային համագործակցության հարցերով Եվրասիական տնտեսական հանձնաժողովի նախարար Վլադիմիր Գոշինը. հայտնում է РИА Новости-ն:

Ներկայումս տնտեսվարող սուբյեկտները կարող են ապրանքների արտահանման կամ ներկրման ժամանակ մաքսային հայտարարագիր ներկայացնել երկրում, որի ռեզիդենտ են: Սակայն 2015 -ի առաջին կիսամյակում Եվրասիական տնտեսական հանձնաժողովը և ԵՏՄ երկրների կառավարությունները պատրաստվում էին մշակել միջոցառումների ծրագիր, որոնք բիզնեսին հնարավորություն կտան 2020 -ի հունվարի 1-ից մաքսային գործողություններ իրականացնել միության ցանկացած երկրում: