Ինչպե՞ս են այս գիշեր քնել ԲՀԿ-ականները

Այսօր ԲՀԿ խորհրդի նիստի մեկնարկից առաջ լրագրողները հարց ուղղեցին ԲՀԿ խմբակցության պատգամավոր Վահան Բաբայանին, թե ինչպե՞ս է քնել այս գիշեր, պատասխանեց. «Հրաշալի»:

Հարցին, թե ինչպե՞ս է մեկնաբանում Սերժ Սարգսյանի ելույթը, որում խիստ քննադատության ենթարկվեց Գագիկ Ծառուկյանը, պատգամավորը պատասխանեց. «Մեկնաբանելու բան չունեմ: Մեր խորհրդի նիստում մեր ղեկավարն իր կարծիքը կհայտնի: ՀՀ նախագահի ելույթը բոլորի համար անսպասելի էր, այդ թվում` և ինձ համար: Չէր կարելի անձնավորած, մի ամբողջ կուսակցության ելույթը նվիրել Գագիկ Ծառուկյանին: Այսօր Գագիկ Ծառուկյանը կտա բոլոր հարցադրումների պատասխանները: Նրա ելույթը կլինի ոչ էմոցիոնալ, հանգիստ ու հավասարակշռված»:

ԲՀԿ-ական պատգամավոր Վահե էնֆիաջյանը տարակուսեց, որ Հանրապետական կուսակցությունը չի խոսում սահմանին տիրող վիճակի, երկրում տիրող անհուսալի վիճակի մասին, այլ խոսում է անձնավորված, վիրավորելով Գագիկ Ծառուկյանին: