Արդեն երկրորդ անգամ ենք հետաձգում մեկ տարի առաջ ընդունված օրենքի կիրարկումը` առանց լուծելու խնդիրը. Աղվան Վարդանյան

Այսօր Աժ նիստում, երբ քննարկվում էր «Շրջանառության հարկի մասին» օրենքում փոփոխություններ կատարելու մասին հարցը, ԱԺ ՀՅԴ խմբակցության քարտուղար Աղվան Վարդանյանը հարց ուղղեց հիմնական զեկուցող` ՀՀ ֆինանսների փոխնախարար Վախթանգ Միրումյանին:

«Իբրև պետություն` կարծես, երկու խնդիր ունենք: Առաջինը` բարենպաստ պայմաններ ստեղծել, որ փոքր ու միջին բիզնեսը կայանա ու զարգանա, երկրորդ` ստվերը հնարավորինս բերել հարկման դաշտ: Արդեն երկրորդ անգամ ենք հետաձգում մեկ տարի առաջ ընդունված օրենքի կիրարկումը` առանց լուծելու խնդիրը: Ասում եք, թե կքննարկենք և մինչև հուլիս կգտնենք լուծումները, բայց այս կառավարությունն ուներ ժամանակ դրա համար: Ո՞րն եք համարում ելքը»,- հարցրեց պատգամավորը:

Մանրամասները` տեսանյութում: