Շիրակի փաստաբանները պատրաստ են անվճար իրավաբանական օգնություն ցույց տալ Ավետիսյանների հարազատներին

Փաստաբան Հայկ Հարությունյանը Շիրակի մարզի փաստաբանների անունից հանդես է եկել հայտարարությամբ: Նա իր ֆեյսբուքյան էջում հայտնել է, որ մարզի փաստաբանները պատրաստ են անվճար իրավաբանական օգնություն ցուցաբերել Ավետիսյանների ընտանիքի հարազատներին, այդ թվում` հանդես գալ որպես ներկայացուցիչ:  

«Եթե անհրաժեշտ լինի մենք պատրաստ ենք ամբողջ 30 փաստաբաններով ներգրավվել և օգնություն ցուցաբերել: Քանի որ մենք չենք ճանաչում Ավետիսյանների ընտանիքի հարազատներին և չգիտենք` ով է հանդես գալու որպես իրավահաջորդ, շահագրգիռ անձանց խնդրում եմ տեղեկացնել Ավետիսյանների հարազատներին մեր պատրաստակամության մասին»,- ասված է փաստաբանի հայտարարության մեջ: