Արամ Մանուկյանին ծեծի ենթարկելու դեպքի առթիվ նյութեր են նախապատրաստվում

Արդեն հայտնել ենք, որ երեկ գիշեր հարձակում է տեղի ունեցել ՀԱԿ պատգամավոր Արամ Մանուկյանի վրա, պատգամավորը վնասվածքներ է ստացել:

ՀՀ քննչական կոմիտեից yerkir.am-ին հայտնեցին, որ դեպքի առթիվ Արաբկիրի քննչական բաժնում նյութեր են նախապատրաստվում, նշանակվել է դատաբժշկական փորձաքննություն:

Նշենք, որ դեպքի վայրի զնությամբ պարզվել է, որ տեղանքում առկա է տեսանկարահանող սարք, և ներկայումս վարույթն իրականացնող մարմինը հետազոտում է գոյություն ունեցող տեսագրությունը: Միաժամանակ, հանձնարարություններ են տրվել օպերատիվ-հետախուզական մարմիներին` միջոցներ ձեռնարկել առերևույթ հանցագործություն կատարած անձին հայտնաբերելու ուղղությամբ: