Դավիդ Յուրչենկոն խոսել է Հայաստանի հավաքականում հանդես գալու մասին

Ռուսական «Ուֆա»-ի դարպասապահ Դավիդ Յուրչենկոն մեկնաբանել է այն տեղեկությունները, որ հնարավոր է հանդես գա Հայաստանի հավաքականի կազմում:

«Անկեղծ ասած` առաջին անգամ ձեզանից եմ լսում այդ մասին: Ինձ հետ ոչ ոք կապ չի հաստատել, այնպես որ` ոչինչ չեմ կարող ասել: Որպեսզի խոսեմ հավաքականի մասին, պետք է նախ ստանամ հրավեր:  Իհարկե, ես ունեմ հավաքականում խաղալու ցանկություն: Եթե նման ցանկություն չլիներ, ապա ի՞նչ իմաստ կա` ֆուտբոլով զբաղվելու»,- ֆուտբոլիստի խոսքերն  է մեջբերում championat.com-ը:

Armsport.am-ի հաղորդմամբ`  28-ամյա ֆուտբոլիստի մայրն ազգությամբ հայ է, ինչը նրան թույլ է տալիս հանդես գալ Հայաստանի հավաքականում: