Ըմբշամարտ. ազատ ոճայինները կմասնակցեն տարբեր մրցաշարերի

Հայաստանի  5 ազատ ոճային առաջատար ըմբիշներ, հավաքականի գլխավոր մարզիչ Արայիկ Բաղդադյանի գլխավորությամբ՝ նոյեմբերի 27-30-ը կմասնակցեն Ֆրանսիայի Նիս քաղաքում կայանալիք միջազգային մրցաշարին: Նրանց թվում են Գարիկ Բարսեղյանը, Արթուր Առաքելյանը, Դավիթ Սաֆարյանը, Գրիգոր Գրիգորյանն ու Մուսա Մուրթազալիևը: Նույն օրերին ազատ ոճայինների ևս մեկ խումբ էլ, մարզիչ Ցալակ Հարոյանի գլխավորությամբ կմեկնի Խանտի Մանսիյսկ՝ մասնակցելու Վլադիմիր Սեմյոնովի մրցանակների խաղարկությանը: Խանտի Մանսիյսկում Հայաստանը կներկայացնեն Վոլոդյա Ֆրանգուլյանը, Գոռ Բարսեղյանը, Վարուժան Կաջոյանն ու Գոռ Գրիգորյանը: Տեղակացնում է   Հայաստանի ըմբշամարտի ֆեդերացիայի պաշտոնական կայքը: