Նոր վարկ՝ ատոմակայանի շահագործման երկարաձգվող ժամկետի ֆինանսավորման համար

Կառավարությունն այսօր համաձայնություն է տվել ատոմակայանին վերաբերող երկու կարևոր համաձայնագրերի կնքման առաջարկությանը:

Համաձայնագրերից մեկը վերաբերում է Հայաստանի Հանրապետության կառավարության և Ռուսաստանի Դաշնության կառավարության միջև հայկական ատոմային էլեկտրակայանի 2-րդ էներգաբլոկի շահագործման ժամկետի երկարաձգման հարցում համագործակցությանը:

Երկրորդ համաձայնագրով էլ նախատեսվում է, որ Ռուսաստանի Դաշնությունը ատոմային էլեկտրակայանի շահագործման ժամկետի երկարաձգման աշխատանքների ֆինանսավորման համար Հայաստանի Հանրապետության կառավարությանը պետական արտահանման վարկ է տրամադրելու:

Նիստի ընթացքում էներգետիկայի և բնական պաշարների նախարար Երվանդ Զախարյանը նշեց, որ նախատեսվող վարկի գումարը կազմելու է 270 միլիոն դոլար: