Արտահերթ ընտրություններ՝ 100 տոկոս համամասնական ընտրակարգով

ԱԺ ԲՀԿ խմբակցության պատգամավոր Միքայել Մելքումյանը ուղիղ կապ է տեսնում 100 տոկոս համամասնական ընտրակարգի ընդունման և արտահերթ ընտրությունների միջև: Yerkir.am-ի հետ զրույցում նա նշեց. «Մենք ուզում ենք արտահերթ ընտրությունների գնալ` 100 տոկոս համամասնականով»:

Նրա համոզմամբ` եռյակի ծավալած գործունեությունը, այն է` շտաբների բացումը, գեներացնելու է գործընթացը, ժողովրդի ու քաղաքական ուժի միասնությունն էլ կծառայի որպես  իշխանությունների վրա ճնշող գործիք, և նման պայմաններում իշխանությունը ստիպված է լինելու հաշվի նստել ոչ իշխանական ուժերի պահանջի հետ:

«Որևէ թշնամական բան չկա, մենք առողջ քաղաքական մրցակցային հարաբերություններ ենք ուզում ձևավորել: Ընտրական օրենսգրքում փոփոխություններ կարվեն, Հանրապետականն էլ կստանա իր ձայները, մնացած քաղաքական ուժերն էլ կստանան իրենց ձայները»,- ասաց Միքայել Մելքումյանը: