Արցախը նոր գլխավոր դատախազ եւ Վերահսկիչ պալատի նախագահ ունի

Հոկտեմբերի 29-ին 5-րդ գումարման ԼՂՀ Ազգային ժողովի 10-րդ նստաշրջանի հերթական լիագումար նիստի օրակարգում էին ԼՂՀ նախագահի կողմից խորհրդարան ներկայացված ԼՂՀ Գլխավոր դատախազի և ԼՂՀ վերահսկիչ պալատի նախագահի նշանակման հարցերը: Այս մասին տեղեկանում ենք ԼՂՀ ԱԺ-ի պաշտոնական կայքից:

Այսպես, գաղտնի քվեարկության արդյունքում Արթուր Արմենի Մոսիյանը նշանակվել է գլխավոր դատախազ (24 կողմ, 2 դեմ, 2 անվավեր), Էռնեստ Ալեքսեյի Ավանեսյանը՝ վերահսկիչ պալատի նախագահ (25 կողմ, 2 դեմ, 1 անվավեր):

Նիստի ավարտին խորհրադարանի նախագահ Աշոտ Ղուլյանը հրապարակել է Արթուր Մոսիյանին՝ ԼՂՀ Գլխավոր դատախազ և Էռնեստ Ավանեսյանին՝ ԼՂՀ վերահսկիչ պալատի նախագահ նշանակելու մասին ԼՂՀ Ազգային ժողովի որոշումները։