Թուրքահայ լրագրողը նշանակվել է Դավութօղլուի գլխավոր խորհրդական

Թուրքիայի վարչապետ Ահմեդ Դավութօղլուի գլխավոր խորհրդական է նշանակվել թուրքահայ լրագրող, «Ակօս» թերթի նախկին խմբագիր, Radikal և Aksam թերթերի լրագրող Էթիեն Մահչուփյանը: Այդ մասին հայտնում է Haberler-ը:

Թուրքական կայքերն արդեն հասցրել են թուրքահայ լրագրողի նոր պաշտոնն օգտագործել որպես քարոզչություն` նշելով, որ նախագահ Էրդողանի՝ հայերին ուղղած ցավակցական ուղերձից հետո Դավութօղլուն ևս նոր քայլ է արել «Հայաստան-Թուրքիա փոխհարաբերությունների բարելավման ուղղությամբ»:

Նշենք, որ Էթիեն Մահչուփյանը ներկա է եղել Ահմեդ Դավութօղլուի կողմից կազմակերպված` մտավորականների հետ հանդիպմանը, որի ընթացքում քննարկվել էր ԻՇԻՊ-ի հարձակումների հարցը: