Պուտինը և Մերկելը մի շարք հարցեր են քննարկել

ՌԴ նախագահ Վլադիմիր Պուտինը և Գերմանիայի կանցլեր Անգելա Մերկելը հեռախոսազրույց են ունեցել, որի ընթացքում կարծիքներ են փոխանակել Ուկրաինայում իրավիճակի զարգացման վերաբերյալ. հայտնում է ИТАР-ТАСС-ը:

Ընդգծվել է Մինսկի խաղաղ պայմանավորվածություններին խիստ հետևելու կարևորությունը, ինչպես նաև կողմերը կողմ են արտահայտվել ուկրաինական գազային խնդրի շուրջ պայմանավորվածությունների իրականացմանը և շուտափույթ ձևակերպմանը:

Բացի այդ` կողմերը անդրադարձել են ահաբեկչական սպառնալիքին դիմակայելու գործում միջազգային համագործակցությանը, առաջին հերթին՝ «Իսլամական պետություն»  խմբավորման դեմ։

Քննարկվել է նաև վտանգավոր ինֆեկցիոն հիվանդության՝ էբոլայի համաճարակի դեմ պայքարի հարցում փոխգործակցելու հարցը։