Ես Էրդողանին կուղեկցեմ Հայաստան. Ազնավուր

Ֆրանսահայ հայտնի շանսոնյե Շառլ Ազնավուրը խոստացել է, որ Էրդողանին կուղեկցի Հայաստան: Այդ մասին հայտնել է թուրքական Haberler-ը՝ վկայակոչելով RTS-ը:

Ըստ թուրքական կայքի՝ Ազնավուրը 1915 թվականի դեպքերի 100-ամյա տարելիցին մասնակցելու կապակցությամբ նախագահ Ռեջեփ Թայիփ Էրդողանին հրավիրել է Հայաստան:

«Չնայած մեզ միմյանցից բաժանող պատմական դեպքերին՝ մենք եղբայրներ ենք: Մենք ստիպված ենք միասին նոր կյանք սկսել»,- ասել է Ազնավուրը:

Ըստ կայքի՝ Ազնավուրը խոստացել է Էրդողանին ուղեկցել Հայաստան` ասելով. «Եթե նա ընդունի Հայաստան գնալու որոշում, ես նրան կուղեկցեմ»:

Կայքն ընդգծել է նաև ֆրանսահայ երգչի խոսքը, ըստ որի` նա դատապարտել է պատմությունը հերքող թուրքերին, ինչպես նաև հերքողականության դեմ ատելության զգացումի կարևորությունը: