Նախարարի դատավոր որդու լիազորությունները դադարեցվել են

Ղեկավարվելով Հայաստանի Հանրապետության Սահմանադրության 55-րդ հոդվածի 11-րդ, Հայաստանի Հանրապետության դատական օրենսգրքի 167-րդ հոդվածի 4-րդ մասի 1-ին կետերով և հիմք ընդունելով Արդարադատության խորհրդի 2014 թվականի սեպտեմբերի 3-ի առաջարկությունը` Սերժ Սարգսյանը որոշել է դադարեցնել Երևան քաղաքի Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի դատավոր Արտակ Զախարյանի լիազորությունները:

Նշենք, որ Արտակ Զախարյանը ՀՀ էներգետիկայի եւ բնական պաշարների նախարար, Երեւանի նախկին քաղաքապետ Երվանդ Զախարյանի որդին է: Մալաթիա-Սեբաստիա վարչական շրջանի ընդհանուր իրավասության դատարանի դատավոր էր 2008թ.-ից: