Մենք շատ արդյունավետ հարաբերություններ ունեինք Մեդվեդևի հետ. Օբամա

ԱՄՆ նախագահ Բարաք Օբաման հիասթափություն չի ապրում Ռուսաստանի հետ հարաբերություններից. այդ մասին նա ասել է Economist ամսագրին տված հարցազրույցում. հայտնում է РБК-ն:

«Մենք շատ արդյունավետ հարաբերություններ ենք ունեցել նախագահ Մեդվեդևի հետ: Մենք արել ենք շատ բան, ինչ պետք է անեինք»,- ասել է Օբաման։

«Ես կարծում եմ՝ Ռուսաստանը միշտ էլ ունեցել է երկդեմ Յանուսի հատկություններ՝ նայել միաժամանակ և Արևելք, և Արևմուտք։ Եվ կարծում եմ՝ ՌԴ նախագահ Վլադիմիր Պուտինը խորը լարվածություն է վերստեղծում Ռուսաստանում, որը, հավանաբար, վատ է երկրի համար երկարաժամկետ հեռանկարում, սակայն կարճաժամկետ հեռանկարում կարող է քաղաքականապես հեղինակավոր լինել տանը և անախորժություններ ստեղծել արտասահմանում»,- ասել  է Օբաման։