Ֆրանսիացի 2 ֆուտբոլիստներ համալրեցին «Արարատ»-ի կազմը

Ֆրանսիացի ֆուտբոլիստներ Զավեն Բուլուտը և Ռոբին դի Լաուրոն համալրել են Երևանի «Արարատի» կազմը : Կիսապաշտպան Բուլուտի պայմանագիրը նախատեսված է մեկ, իսկ հարձակվող Դի Լաուրոյինը` երկու տարով:

22-ամյա Բուլուտը հանդես է եկել ֆրանսիական «Սենտ Էթյեն» ակումբի երկրորդ թիմում, ինչպես նաև` Ֆրանսիայի Մ-17 պատանեկան հավաքականի կազմում:

25-ամյա Դի Լաուրոն հանդես է եկել ֆրանսիական «Լանս» ակումբի երկրորդ թիմում, ինչպես նաև` տեղի «Պաու» և «Իստր» թիմերի կազմում: Երկու ֆուտբոլիստների վերջին ակումբն էր Մարսելի հայ համայնքի «Արձիվը»:

Բուլուտն ու Դի Լաուրոն մասնակցեցին Թբիլիսիում անցկացված «Արարատի» ուսումնամարզական հավաքին: Այս մասին տեղեկացնում է երևանյան ակումբի պաշտոնական կայքը: