Հայտնաբերվել է դիակ` բռնության և հրազենային վնասվածքների հետքերով

Հուլիսի 24-ին՝ ժամը 17.10-ին, Գետք համայնքի ղեկավարից ոստիկանության Ախուրյանի բաժնում ահազանգ է ստացվել, որ գյուղի վարչական տարածքում տղամարդու դիակ կա:

Մեկնած օպերատիվ խումբը նշված գյուղի վարչական տարածքում' անասնագոմերի հարևանությամբ կիսաքանդ շինության մեջ, հայտնաբերել է 1964 թ. ծնված Հարություն Գրիգորյանի դիակը:

Ոստիկանության տեղեկատվության եւ հասարակայնության հետ կապերի վարչության հաղորդմամբ՝ արտաքին զննությամբ դիակի վրա հայտնաբերվել են բռնության հետքեր և հրազենային չորս վնասվածք' որովայնի, թիկունքի և ձեռքի հատվածներում:

Դեպքի վայրի զննությամբ հայտնաբերվել է 9 մմ տրամաչափի երկու գնդակ և հինգ կրակված պարկուճ:

Փաստի առթիվ հարուցվել է քրեական գործ՝ ՀՀ քրեական օրենսգրքի 104 և 235 հոդվածների 1-ին մասի մասի հատկանիշներով: Հանգամանքները պարզվում են: Ոստիկանության քննչական բաժանմունքում նախապատրաստվում են նյութեր: