Դատարանը բավարարել է Լեւոն Հայրապետյանին կալանավորելու միջնորդությունը

Մոսկվայի Բասմաննի դատարանը բավարարել է հայ հայտնի գործարար Լեւոն Հայրապետյանին կալանավորելու միջնորդությունը. ИТАР-ТАСС-ին հայտնել է դատարանի մամուլի քարտուղարը: Նրան կալանքի տակ կպահեն մինչեւ սեպտեմբերի 15-ը: Բացի այդ` կալանք է դրվել«Բաշնեֆտ» ընկերության` նրա բաժնետոմսերի վրա, որոնց արժեքը գերազանցում է 300 մլն ռուբլին:

Հայրապետյանը մեղադրվում է ՌԴ ՔՕ 160-րդ (վատնում) եւ 174-րդ (հանցավոր եկամուտների լեգալացում) հոդվածներով: 

Հիշեցնենք, որ Հայրապետյանին ձերբակալել են նախկին սենատոր, այժմ ցմահ բանտարկված Իզմեստեւի ցուցմունքների հիման վրա` «կինգիսեպյան» հանցավոր խմբի գործունեության հետաքննության շրջանակներում: