ՌԴ Հանրային պալատը առաջարկում է ամբողջությամբ մեկուսացնել Ուկրաինան

ՌԴ Հանրային պալատը մտադիր է դիմել միջազգային հասարակական ու իրավապաշտպան կազմակերպություններին, որպեսզի բարձրացնի Ուկրաինայի լիակատար մեկուսացման հարցը` երկրի արևելքում Կիևի իշխանությունների կողմից պատժիչ գործողություն անցկացնելու հետ կապված. հայտնում է РИА Новости-ն: Այս մասին հայտարարել է Հանրային պալատի քարտուղար Ալեքսանդր Բրեչալովը:

« Մենք պետք է միջազգային հասարակական կազմակերպությունների հետ աշխատանք տանենք և, որպես եզրակացություն, անենք Ուկրաինայի լիակատար մեկուսացման առաջարկը, քանի դեռ չի իրականացվել Ուկրաինայում տեղի ունեցող  հանցագործությունների մանրակրկիտ ուսումնասիրությունը»,- ասել է Բրեչալովը:

Նրա խոսքով` Հանրային պալատը պլանավորում է այս աշխատանքն իրականացնել ՌԴ ԱԳՆ-ի միջոցով: