Զվարթնոցի հարցը չի էլ քննարկվել ՅՈՒՆԵՍԿՕ-ի հերթական նստաշրջանում

Հունիսի 21-23-ը Դոհայում տեղի է ունեցել ՅՈՒՆԵՍԿՕ-ի համաշխարհային ժառանգության կոմիտեի 38-րդ նստաշրջանը: Հայաստանից նստաշրջանին մասնակցել է ՀՀ մշակույթի նախարարի տեղակալ Արև Սամուելյանը:

Մինչ այդ  պտտվում էին լուրեր, թե Զվարթնոցը կարող է հանվել ՅՈւՆԵՍԿՕ-ի համաշխարհային ժառանգության ցուցակից: Ի դեպ, Զվարթնոց տաճարը ՅՈւՆԵՍԿՕ-ի համաշխարհային ժառանգության ցանկում է հայտնվել 2000 թվականին:

Yerkir.am-ի տեղեկություններով` ՅՈՒՆԵՍԿՕ-ի հերթական նստաշրջանի ժամանակ տաճարը համաշխարհային ժառանգության ցուցակից հանելու մասին խոսք անգամ չի եղել: Քննարկվել է միայն «Գեղարդի վանական համալիրը և Ազատ գետի վերին հոսանքը» անվանակարգում ընդգրկված հուշարձանների հետհիմնավորումը, որն էլ, առանց որևէ դիտողության, հաստատվել է: