Արգենտինայի փոխնախագահին ներկայացվել է կոռուպցիայի մեղադրանք

Արգենտինայի փոխնախագահ Ամադու Բուդուին առաջադրվել է կոռուպցիայի մեղադրանք: Այս մասին հայտնում է BBC-ն:

Իրավապահ մարմինների տվյալներով` Բուդուն էկոնոմիկայի նախարարի պաշտոնը զբաղեցնելու ժամանակ իր ազդեցությունն է գործածել, որպեսզի հենց իր ընկերության հետ կնքվի արգենտինական արժույթի թղթադրամների տպագրության պայմանագիրը:

Մեղադրական դատավճռի դեպքում նրան սպառնում է մինչև 6 տարվա ազատազրկում: Փոխնախագահը չի ընդունում ներկայացված մեղադրանքները և հրաժարական տալու կոչերը: Դատավորը որոշել է, որ մինչ դատավարության մեկնարկը Բուդուն կմնա ազատության մեջ:

Ավելի վաղ Բուդուն համարվում էր նախագահ Քրիստինա Ֆերնանդեսի հավանական հետնորդը: