Հրադադարի ռեժիմը կարող է վաղաժամկետ չեղյալ հայտարարվել. Պորոշենկո

Ուկրաինայի նախագահ Պյոտր Պորոշենկոն չի բացառել, որ հրադադարի ռեժիմը կարող է վաղաժամկետ չեղյալ հայտարարվել երկրի արևելքում այն պատճառով, որ աշխարհազորայիններն իրենք են խախտել այդ ռեժիմը: Այս մասին հայտնում է РИА Новости-ն:

Հունիսի 24-ին Պորոշենկոն հանդիպել է ուժային կառույցների ղեկավարներին և հրամայել առանց տատանվելու կրակ բացել Ուկրաինայի արևելքում:

Հիշեցնենք, որ Պյոտր Պորոշենկոն ներկայացրել է արևելքում իրավիճակը կարգավորելու խաղաղության ծրագիր, որով նախատեսվում էր հրադադար հաստատել մինչև հունիսի 27-ը: Աշխարհազորայինները ևս պարտավորվել էին դադարեցնել կրակը, սակայն փոխհրաձգությունը շարունակվում է: Հակամարտության կողմերն իրար փոխադարձաբար մեղադրում են խոստումը չպահելու մեջ: