Ոստիկանությունը` Էջմիածնում հնչած կրակոցների մասին

Երեկ` ժամը 15-ի սահմաններում, ոստիկանության Էջմիածնի բաժնում հաղորդում է ստացվել, որ Էջմիածնի Մատրոսով փողոցում կրակոցներ են արձակվել: Այս մասին yerkir.am-ին հայտնեցին ոստիկանությունից:

Դեպքի վայր մեկնած օպերատիվ խումբը տեղանքի զննությամբ հայտնաբերել է 9 մմ տրամաչափի 4 պարպուճ և 9 մմ տրամաչափի չկրակված մեկ փամփուշտ: Ձեռնարկվում են միջոցառումներ կրակոցներ արձակած անձի ինքնությունը պարզելու և նրան հայտնաբերելու ուղղությամբ: Վիրավորվածի կամ վիրավորների վերաբերյալ, սակայն, ոստիկանությունից որևէ տեղեկություն չհայտնեցին` նշելով, որ նման ահազանգ հիվանդանոցից չեն ստացել:

Հիշեցնենք, որ, NEWS.am-ի տեղեկություններով, կրակոցների արդյունքում ոտքի շրջանում հրազենային վնասվածք է ստացել գեներալ Սեյրան Սարոյանի եղբորորդին: