Դերասանուհի Ժենյա Ավետիսյանը տուն է տեղափոխվել

Արդեն տեղեկացրել ենք, որ դերասանուհի, ասմունքող Ժենյա Ավետիսյանը օրեր առաջ տեղափոխվել էր հիվանդանոց, գտնվում էր սրտաբանական բաժանմունքում, հիվանդությունը քրոնիկական բնույթի է:

«Նաիրի» բժշկական կենտրոնից Yerkir.am-ին հայտնեցին, որ դերասանուհին արդեն տեղափոխվել է տուն:

Գաբրիել Սունդուկյանի անվան ազգային ակադեմիական թատրոնի տնօրեն Ստեփան Դավթյանը տեղեկացրեց, որ դերասանուհու առողջական վիճակը հարաբերական լավ է, սակայն ինսուլտից հետո երբեմն-երբեմն խնդիրներ են առաջանում:

«Նրա ներկայացումները, համենայն դեպս, չեն հանվել մեր խաղացանկի ծրագրից, չնայած արդեն 1-2 տարի է` նա չի խաղացել դրանք, բայց մենք սպասում ենք, որ դերասանուհին լրիվ ապաքինվի և գա թատրոն»,- ասաց Դավթյանը: