Մահացել է բանաստեղծուհի Ալիսա Կիրակոսյանը

Լոս Անջելեսում 78 տարեկանում մահացել է հայազգի բանաստեղծուհի Ալիսա Կիրակոսյանը: Այս մասն հայտնում է «Երկիր մեդիան»:

Բանաստեղծուհին ծնվել է 1936 թ. Արգենտինայի Կորդոբա քաղաքում: Ավարտել է Բուենոս Այրեսի ազգային համալսարանի իրավաբանական ֆակուլտետը: 10 տարի խաղացել է թատրոնում:

1966թ. լույս է տեսել Կիրակոսյանի բանաստեղծությունների առաջին ժողովածուն՝ «Մեկ օրում հինգ ձայն» խորագրով: Ավելի ուշ հրատարակվել են Կիրակոսյանի «Էություն և կետադրություն», «Հայաստանյան ապրումներ», «Բանաստեղծություններ» ժողովածունները:

Իր վերջին շրջանի գործերում Ալիսան անդրադարձել է դարավերջի Հայաստանի պատմական իրադարձություններին:

Ալիսա Կիրակոսյանն իսպաներեն է թարգմանել Րաֆֆու «Խենթը»: Բանաստեղծուհին եղել է ԱՄՆ-ի իսպանախոս գրողների միության պատվավոր նախագահը:

Կիրակոսյանի պոեզիայի թեմատիկ առանցքն են կազմում սերը, մայրությունը, հայրենիքը և փիլիսոփայական խոհը: