Դատական հայց՝ Մոնսերատ Կաբալիեի դեմ

Բարսելոնայի դատարանը սկսել է համաշխարհային ճանաչում ունեցող օպերային երգչուհի Մոնսերատ Կաբալիեի դեմ դատական հայցի քննությունը. հայտնում է Лента. ру-ն: Երգչուհուն մեղադրում են 500 հազար եվրոյի չափով հարկերից խուսափելու մեջ: 

81-ամյա երգչուհին մայիսին պետք է ներկայանա դատարան՝ ցուցմունք տալու։

Դատախազության տվյալներով՝ Կաբալիեն բնակության թույլտվություն է ստացել Անդորրայում, որպեսզի խուսափի իսպանական գանձարան հարկեր վճարելուց: 2010-ին նա պայմանագրեր է ձևակերպել Մոսկվայում, Բարսելոնայում և Ժնևում համերգներ տալու համար Անդորրայում գտնվող փոքր ընկերության միջոցով։ Սակայն երգչուհին հիմնականում ապրում է Բարսելոնայում, ուստի, պետք է այնտեղ հարկեր վճարի: