No comment. Նաիրա Զոհրաբյանը` վերանշանակված արտգործնախարարի գործունեության մասին

Թուրքիան պետք է ընդունի պատմական ճշմարտությունը և ճանաչի Հայոց ցեղասպանությունը, իսկ մինչ այդ, ինչ անում է Թուրքիան, դա դեմագոգիա է. այսօր լրագրողների հետ զրույցում ասաց ԱԺ ԲՀԿ խմբակցության քարտուղար Նաիրա Զոհրաբյանը:

Նրա խոսքով` այս պահին հայ-թուրքական արձանագրությունները  առ ոչինչ են: Նա նաև չբացառեց, որ կգա այն օրը, երբ Հայաստանը հետ կվերցնի իր ստորագրությունը այդ արձանագրություններից: «Մենք պետք է վերանայումներ անենք մեր արտաքին քաղաքական ուղեծրում, պիտի կարողանանք ճիշտ համադրել Հայաստանի ու Սփյուռքի ներուժը: Այո, մենք ևս ունենք բացթողումներ»,- ասաց Նաիրա Զոհրաբյանը:

Yerkir.am-ի այն հարցին` վերանշանակված արտգործնախարարը կանի՞ այդ վերանայումները արտաքին քաղաքական ուղեծրում, Նաիրա Զոհրաբյանը պատասխանեց. «No coment»: