ՀԱՊԿ-ում կստեղծվի կիբերսպառնալիքներին հակազդող կենտրոն

«ՌԻԱ Նովոստի»-ի տեղեկացմամբ` Եկատերինբուրգում տեղի ունեցած Եվրասիական երիտասարդական տնտեսական ֆորումի բացման ժամանակ  ՀԱՊԿ գլխավոր քարտուղար Նիկոլայ Բորդյուժան հայտարարել է, որ ՀԱՊԿ-ում կստեղծվի կիբերսպառնալիքներին հակազդող կենտրոն:

Կենտրոնի բացումը ՀԱՊԿ գլխավոր քարտուղարը հիմնավորել է հետևյալ կերպ. «Այսօր տեղեկատվական գործունեությունը զենք է: Առանց զինված ուժերի օգտագործման՝ համարյա միայն տեղեկատվական տեխնոլոգիաների միջոցով, ապակայունացվում է իրավիճակը, որը ինչ-որ տեղ հանգեցնում է ռեժիմի բռնի փոփոխության: Դրանից ելնելով՝ ՀԱՊԿ-ը քայլեր է ձեռնարկում տեղեկատվական անվտանգության ոլորտում: Կարող եմ ասել, որ այսօր տեղեկատվական հակամարտությունը եւ անվտանգությունը ՀԱՊԿ ձեւաչափում առաջնահերթ ուղղություն են ձեռք բերում»: