Ըմբշամարտի Եվրոպայի առաջնություն. Արամ Ջուլֆալակյանը և Կարեն Ասլանյանը դուրս եկան հաջորդ փուլ

Ֆինլանդիայի Վատտա քաղաքում շարունակվում է ըմբշամարտի Եվրոպայի առաջնությունը, որտեղ այսօր պայքարի մեջ մտան հունահռոմեական ոճի ըմբիշները:

66 կգ քաշային կարգում Արամ Ջուլֆալակյանը հաղթեց թուրք  Յուկսել Աթաքանին և դուրս եկավ 1/8 եզրափակիչ:

1/8 եզրափակիչ է դուրս եկել նաև 59 կգ քաշային կարգի Կարեն Ասլանյանը, ով առաջին գոտեմարտում առավելության է հասել պորտուգալացի Ժոաո Կարվալիոյի նկատմամբ: 1/8 եզրափակիչում մեր ըմբիշի մրցակիցը կլինի բուլղարացի Ալեքսանդր Կոնստանտինովը:

 Հավելենք, որ այսօր պայքարի մեջ կմտնեն նաև Եվրոպայի կրկնակի չեմպիոն` 98 կգ քաշային Արթուր Ալեքսանյանը և գերծանր քաշային կարգի Վաչիկ Եղիազարյանը: Վերջինս 2013 թվականի Եվրապային բրոնզե մեդալակիր է: