Վազգեն Սարգսյանի մայրը հիվանդանոցում է

Երեկ երեկոյան կտրուկ վատացել է սպարապետ Վազգեն Սարգսյանի մոր՝ տիկին Գրետայի առողջական վիճակը: Նրան տեղափոխել են «Նաիրի» բժշկական կենտրոն:

Հիվանդանոցի փոխտնօրեն Լուսինե Աղաբաբյանը yerkir.am-ի հետ զրույցում նշեց, որ Գրետա Սարգսյանի մոտ ախտորոշվել է ուղեղի արյան շրջանառության սուր խանգարում, այժմ նա հիվանդանոցի վերակենդանացման բաժանմունքում է, նրա վիճակը կայուն ծանր է: Բժիշկը նաև տեղեկացրեց, որ Սարգսյանի դուրս գրման մասին վաղ է խոսել, քանի որ հիվանդությունը ծանր է:

Նշենք, որ այսօր Վազգեն Սարգսյանը կդառնար 55 տարեկան: Սպարապետի հիշատակը հարգելու համար այսօր մի շարք բարձրաստիճան պաշտոնյաներ, երկրապահներ և ազատամարտիկներ կայցելեն «Եռաբլուր» պանթեոն: