ՀՕՄ-ը ՄԱԿ-ի Կանանց իրավիճակի հանձնաժողովի 58-րդ նիստին` ՄԱԿ-ի գրասենյակում

Որպես ՄԱԿ-ի անդամ, ոչ կառավարական կազմակերպություն (ՈԿԿ/ NGO) և ՄԱԿ-ի տնտեսական և սոցիալական հանձնաժողովի (ECOSOC) խորհրդական անդամ, Հայ օգնության միությունը կմասնակցի մի բազմանիստ խորհրդակցական աշխատանքային նիստի` ՄԱԿ-ի Կանանց իրավիճակի հանձնաժողովի (CSW) 58-րդ համաժողովին:

Խորհրդակցական համաժողովի այս տարվա գլխավոր թեման է «Հազարամյակի զարգացման նպատակների գործադրության մեջ կանանց ու աղջիկների մարտահրավերներն ու նվաճումները»: Այս գլխավոր թեմային զուգահեռ, կքննարկվեն «Կանանց ու աղջիկների ներառումն ու մասնակցությունը կրթական, վարժողական ուսմունքի, գիտության և ճարտարարվեստի բնագավառներում, ինչպես նաև կանանց համար պարկեշտ աշխատանքի համեմատ` հավասար իրավունքների առաջացում» վերնագրի տակ ներկայացված հարցերը: