Կայացել է նետաձգության Հայաստանի առաջնությունը

 Հունվարի 29-ից  փետրվարի 2-ը Հայաստանի Հանրապետության ֆիզիկական կուլտուրայի պետական ինստիտուտի դահլիճում կայացել է  ՀՀ նետաձգության  առաջնությունը, որին մասնակցել է 65  մարզիկ. տեղեկացնում է msy.am-ը: Մրցումներն անցկացվել են կանանց ու տղամարդկանց խմբերում՝   18 + 18 ձևից:

Կանանց մրցապայքարում հաղթող է ճանաչվել Նունե Վասիլյանը, իսկ տղամարդկանց մրցապայքարում՝ Արշակ Պետրոսյանը: Երկուսի մարզիչն էլ Բորիս Վասիլյանն է: Գլխավոր մրցավարն է եղել Բ.Վասիլյանը: Այս առաջնությունն այլ ձևերում դեռ շարունակվում է:

Առաջնությունում  լավագույն արդյունքներ գրանցած մարզիկները  կմեկնեն Ֆրանսիա՝  մասնակցելու Նիս քաղաքում կայանալիք` նետաձգության աշխարհի ձմեռային առաջնությանը: