Շառլ Ազնավուրի մտահոգությունները ճիշտ են ու իմաստուն. Էդվարդ Նալբանդյան

Շառլ Ազնավուրը մեծ հայրենասեր է, պետք չէ շահարկել նրա ասածները: Այսօր լրագրողների հետ զրույցում ասաց ՀՀ ԱԳ նախարար Էդվարդ Նալբանդյանը` խոսելով Շվեյցարիայում ՀՀ դեսպան, աշխարհահռչակ հայ շանսոնիե Շառլ Ազնավուրի այն մտահոգությունների մասին, որոնք նա հնչեցրել է իր հարցազրույցներում Հայաստանի ներքին ու արտաքին իրողությունների մասին:

Էդվարդ Նալբանդյանը նշեց, որ Շառլ Ազնավուրին ճանաչում է ոչ միայն որպես աշխարհահռչակ երգիչ, այլ նաև անձնապես: «Ես խոր ակնածանքով եմ խոսում նրա մասին: Մենք միասին ճանապարհորդել ենք, հիմա էլ շփվում ենք: Շառլ Ազնավուրի բոլոր մտահոգությունները ճիշտ են ու իմաստուն, պետք է հարգանքով վերաբերվել այդ մարդու ասածներին»,- ասաց Էդվարդ Նալբանդյանը: