Ո՜վ աշխարհ, ձա՛յն տուր. Բրյուսելում Էրդողանը Սիրիայի հարցով դիմել է աշխարհին

Այսօր Թուրքիայի վարչապետ Էրդողանը Թուրքիա-ԵՄ հարաբերությունների կարգավորման շրջանակներում մեկնեց Բրյուսել:

Ըստ ntvmsnbc-ի՝ Թուրքիայի վարչապետը Բրյուսելում իր ելույթի համար հավաքված թուրք ժողովրդից պահանջել է լուռ չմնալ:

Դիմելով աշխարհին՝ Էրդողանն ասել է. «Ո՜վ աշխա'րհ, քիչ առաջ ամբողջ աշխարհի հեռուստաալիքները խոսում էին Սիրիայում կատարված դաժանությունների և դրա լուսանկարների մասին: Հազարավոր անմեղ մարդկանց մահվան ականատես եղանք: Վաղը Ժնևի 2-րդ ժողովն է, և ես հիմա Բրյուսելից դիմում եմ աշխարհին` ո՜վ աշխա'րհ, արդյոք լո՞ւռ եք մնալու Սիրիայում կատարվածի համար: Սիրիայում կատարված այդ մարդկային ոճրի համար Ժնև 2-ին ասում ենք՝  ձա՛յն տուր: Քանզի լուսանկարներում երևում է, թե ինչպես են երեխաներին սպանում»: