Ես հույս ունեմ, որ Թևանը կվերանայի իր որոշումը. Րաֆֆի Հովհաննիսյան

Զարուհի Փոստանջյանը մեկնել է ժամանակավորապես, եթե պետք լինի, կարող է վերադառնալ` իր պարտականությունները կատարելու համար. այսօր լրագրողների հետ զրույցում ասաց «Ժառանգություն» կուսակցության նախագահ Րաֆֆի Հովհաննիսյանը` պատասխանելով հարցին, թե ո՞վ է փոխարինելու Զարուհի Փոստանջյանին նրա բացակայության ընթացքում:

Րաֆֆի Հովհաննիսյանի խոսքով` խմբակցության ընթացիկ կառավարումը կստանա իր հանգուցալուծումը մինչև հաջորդ քառօրյա նիստը, այսինքն` խմբակցության ներկայացուցչական կազմը կհստակեցվի մոտավորապես փետրվարի սկզբին, հենց այդ ժամանակ էլ ինքը հանդես կգա հրապարակային հայտարարությամբ: «Այստեղ որևէ բամբասանք կամ դավադրություն պետք չէ փնտրել: Ամեն մեկն ունի իր հետագիծը, խմբակցությունը, որքան էլ փոքրաթիվ լինի, ունի իր որակյալ աշխատանքը: Ես հույս ունեմ, որ Թևանը կվերանայի իր որոշումը»,- ասաց Րաֆֆի Հովհաննիսյանը: