Կարեն Աղամյանի արած-չարածը չհասկացանք. Արմեն Աթանյան

Նկարիչների միության նախագահ Կարեն Աղամյանը մի շարք խոստումներ էր տվել նախորդ համագումարի ժամանակ, երբ կրկին նախագահ ընտրվեց, բայց այդպես էլ չասաց` ի՞նչն է արել եւ ի՞նչը` ոչ. Yerkir.am-ի հետ զրույցում նշեց նկարիչ Արմեն Աթանյանը:

Նա նշեց, որ միության նորընտիր նախագահն առաջին հերթին պետք է մյուս ստեղծագործական միությունների հետ համատեղ հասարակական կազմակերպությունների մասին օրենքում որոշակի փոփոխություններ անի, քանի որ այդ օրենքն օրենքի նման չէ:

«Պետք է նաեւ երիտասարդներին մեծ տեղ տրվի, չէ՞ որ երբ մենք ժառանգեցինք միությունը, մենք էլ էինք երիտասարդ, իսկ հիմա երիտասարդներն անտեսված են միության կողմից»,- ասաց Աթանյանը: