Ամբողջ հանրապետությունում առատ ձյուն է

ՀՀ տրանսպորտի և կապի նախարարությունը տեղեկացնում է, որ դեկտեմբերի 12-ին` ժամը 14:30-ի դրությամբ, հանրապետության բոլոր տարածաշրջաններում տեղում է առատ ձյուն:

Դժվարանցանելի են Սելիմի ոլորանը, Իջևան-Նոյեմբերյան ( ծանրաքաշ մեքենաների համար), Սիսիան - Գորիս, Գավառ - Մարտունի, Արթիկ - Ալագյազ ճանապարհահատվածները: Սաստիկ բքի և տեսանելիության բացակայության պատճառով փակ է Վայք- Սարավան - Սիսիանի սահման ճանապարհահատվածը:

Եղանակային դժվարություններից խուսափելու համար վարորդներին խորհուրդ է տրվում Թթու ջուր - Նավուր ճանապարհից 17:00 -ից մինչև 07:00-ն առանց խիստ անհրաժեշտության չօգտվել:

Ավտոճանապարհներին իրականացվում են մշակման և մաքրման աշխատանքներ` անվտանգ երթևեկությունն ապահովելու նպատակով: Բացի վերը նշված ճանապարհահատվածներից, միջպետական և հանրապետական նշանակության ավտոճանապարհները բաց են: