ԲՀԿ-ն դատապարտեց կառավարության գործելաոճը

ԱԺ նիստում ԲՀԿ խմբակցության քարտուղար Նաիրա Զոհրաբյանը հայտնեց, որ հերթական անգամ կառավարությունը` իր գործելաոճին հավատարիմ, անհետաձգելի է ճանաչում եւ ուրբաթ կեսգիշերին և երկուշաբթի առավոտյան օրինագծեր ներկայացնում խորհրդարան:

«Եթե իրենք մեր փոխարեն արդեն որոշել են, իսկ խորհրդարանին վերապահվում են միայն դակիչի դերը, ուրեմն` եկեք սահմանադրական փոփոխություններով ֆիքսենք, որ իրենք թող գան, նստեն էստեղ, քննարկեն ու քվեարկեն իրենց ներկայացրած ծրագրերը»,- ասաց պատգամավորը` հավելելով, որ ԲՀԿ-ն չի մասնակցելու այն նախագծերի քննարկմանը, որոնք նման հապճեպ կերպով կբերվեն ԱԺ ու կպարտադրվեն խորհրդարանին` անհետաձգելի  լինելու պատրվակով: