''Բանդայի'' և ''Խաչիկյանի'' գործերը մակագրվեցին Մեսրոպ Մակյանին

Արդեն պաշտոնապես հայտնի է, որ Սոցիալական ապահովության ծառայության նախկին պետ Վազգեն Խաչիկյանի և մի շարք մեծահարուստների տներ թալանած բանդայի գործը մակագրվել են Կենտրոն և Նորք-Մարաշ վարչական շրջանների ընդհանուր իրավասության դատարանի նոր դատավոր Մեսրոպ Մակյանին: Այս մասին տեղեկացանք datalex տեղեկատվական համակարգից:

Հիշեցնենք, որ մինչ այդ այս հնչեղ գործերը քննում էր դատավոր Մխիթար Պապոյանը, ով ՀՀ նախագահի հրամանով տեղափոխվել է Կոտայքի մարզի ընդհանուր իրավասության դատարան: Սա նշանակում է, որ երկու գործերն էլ պետք է քննվեն զրոյից: Իսկ թե ինչ հետևանքներ կարող է ունենալ մանավանդ` բանդայի գործի նոր քննությունը, դրան yerkir.am-ն արդեն անդրադարձել է:

Նշենք, որ Մակյանն այն դատավորն է, ով քննել է ոստիկանության Չարենցավանի բաժնում խոշտանգումների զոհ դարձած Վահան Խալաֆյանի հայտնի գործը: