Թող իջնեն, ցույց տան, որ տղամարդ են. կանայք հասան Բաղրամյան 26

Yerkir.am-ի թղթակիցը տեղեկացնում է, որ երթի մասնակից կին ազատամարտիկներն արդեն հասել են նախագահի նստավայրի դիմացի մայթ: Նրանք պահանջում են Սերժ Սարգսյանի հրաժարականը, որովհետեւ կարծում են, որ Հայաստանին պետք է ժողովրդի հոգսով ապրող նախագահ, «որը նախեւառաջ մարդ պետք է լինի»:

Կանանցից մեկը հիշեց ՀՀ երկրորդ նախագահ Ռոբերտ Քոչարյանի խոսքերը, որ Հայաստանում միակ տղամարդն ինքն է: «Դե թող իջնեն, մենք եկել ենք, թող իջնեն, ցույց տան, որ տղամարդ են»,- հայտարարեցին կանայք:

Նշենք, որ ոստիկանները բողոքի ակցիայի մասնակիցներից կրկնակի շատ են:

Այս պահին կին ազատամարտիկներից մեկը, մեկ լրագրողի եւ փոխոստիկանապետ Վալերի Օսիպյանի ուղեկցությամբ, մտել է նախագահի նստավայր: