ՄԱԿ-ի ժամկետանց ձեթը` սիրիահայերին

ՄԱԿ-ի պարենի համաշխարհային ծրագրի շրջանակներում օրերս սկսեցին օգնություն հատկացնել Հայաստանում ապաստան գտած` Սիրիայից տեղահանված 5000 հայերի: Վեցամսյա ծրագիրը ֆինանսավորում է Ռուսաստանի Դաշնության կառավարությունը: Ծրագիրը կյանքի է կոչվել Սփյուռքի նախարարությունից ստացված դիմումի հիման վրա:

Բայց պարզվում է` սիրահայերը այնքան էլ գոհ չեն այդ մարդասիրական քայլից, նրանց դժգոհությունն առավել քան արդարացված է: Yerkir.am-ը պարզել է, որ նրանց տրամադրված ձեթը 2012թ. արտադրության է, որի պիտանիության ժամկետի ավարտին մնացել է մեկ ամիս, այսինքն` օգտագործման համար պիտանի է մինչեւ այս տարվա դեկտեմբերի 23-ը: Եթե հաշվի առնենք, որ ծրագիրը վեցամսյա է, ստացվում է` մյուսներն արդեն ժամկետանց ձեթեր են օգնություն ստանալու: