Թուրքիան վերջերս շատ լավ տպավորություն է թողնում. Ռոնալդ Սյունի

Ստամբուլի «Շեհիր» համալսարանում տեղի է ունեցել Հայաստան-Թուրքիա հարաբերությունների թեմայով համաժողովը` կազմակերպված Ֆրանսիա-Գերմանիա հարաբերությունների պատմական փորձի հիման վրա:

Ըստ taraf.com-ի` համաժողովի ժամանակ պրոֆեսոր, դոկտոր Ֆերհաթ Քենթելը ասել է. «Դժբախտաբար, հայերն ու թուրքերը անցյալում վերքեր ստացած ժողովուրդներ են: Միաժամանակ, այդ երկուսն իրենց ապրած հողի հումուսը, այսինքն` արդյունավետությունն են: Այստեղից ճանապարհ ելնելով` պետք է հարաբերությունները բարելավենք»:

«Թուրքիան վերջերս շատ լավ տպավորություն է թողնում միջավայրի վրա: Վերջերս ժողովրդավարացման գործընթացը Թուրքիայում արագացել է, և սա նույնպես ազդում է տարածաշրջանի վրա»,- ասել է հայ հայտնի պատմաբան Ռոնալդ Սյունին: