Բլեյանի դպրոցի վրա հարձակման դեպքի առթիվ քրեական գործ է հարուցվել

Հոկտեմբերի լույս 29-ի գիշերը անհայտ անձանց մի խումբ, դիմակավորված, հարձակվել է «Մխիթար Սեբաստացի» կրթահամալիրի (Բլեյանի դպրոց) Մայր դպրոցի վրա:

Փաստի առթիվ Մալաթիայի քննչական բաժնում հարուցվել է քրեական գործ ՀՀ քրեական օրենսգրքի 175-րդ հոդվածի հատկանիշներով, կատարվում է նախաքննություն: Այս մասին yerkir.am-ին հայտնեց ոստիկանության հասարակության հետ կապերի և լրատվության բաժնի աշխատակից Արմեն Մալխասյանը: Նա հայտնեց նաև, որ դիմակավորված հանցագործներին դեռ չեն հայտնաբերել:

Նշենք, որ մինչ այդ դպրոցի պահակը` Յուրա Ստեփանյանը, հայտնել էր, որ տեսել է ավազակներից երեքին:

Ըստ նախնական տեղեկությունների` հանցավոր խումբը կոտրել է դպրոցի պատուհանի ապակին եւ թափանցել շենք: Պահակը կանխել է նրանց առաջխաղացումը եւ հասցրել զգուշացնել դպրոցի փոխտնօրենին, որն էլ, իր հերթին, դիմել է ոստիկանություն: