Համագումարը ցանկանում էին շարունակել առանց կողմնակի անձանց

Կոմպոզիտորների միության համագումարը շարունակում է ընթանալ թեժ միջավայրում:

Քիչ առաջ իրավաբան Կարեն Մանուչարյանը համագումարի նախագահությանը փորձեց հանձնել փաստաթուղթ, որում նշված էր, թե վերջին տարիներին ինչ խախտումներ են եղել միությունում: Երբ Մանուչարյանը խնդրեց մեկ րոպե ձայնի իրավունք, որպեսզի ներկայացնի փաստաթուղթը, կոմպոզիտոր Մհեր Նավոյանը նշեց, որ ինքը դեմ է Մանուչարյանին ձայն տալուն:

Նավոյանը հայտարարեց, թե` ով դեմ է էս մարդու ելույթին, թող դուրս գա դահլիճից: Հայտարարությունից հետո դահլիճից դուրս եկան Մհեր Նավոյանը, Ռոբերտ Ամիրխանյանը եւ Արթուր Շահնազարյանը:

Նավոյանը, վերադառնալով դահլիճ, պահանջեց, որ համագումարը շարունակվի առանց կողմնակի անձանց: Սակայն համագումարին ներկա գտնվողների մեծամասնության շնորհիվ համագումարը շարունակեց իր բնականոն ընթացքը: