Ցավոք, մեր երկրում անձերից դեռ շատ բան է կախված. Հովիկ Աբրահամյան

ԱԺ նախագահ Հովիկ Աբրահամյանի կարծիքով` Հայաստանի արդեն նախկին գլխավոր դատախազ Աղվան Հովսեփյանն աշխատել է «պրոֆեսիոնալ, նորմալ»: Այս մասին նա ասաց ԱԺ-ում գլխավոր դատախազի ընտրությանը մասնակցելուց հետո լրագրողների հետ զրույցում եւ նշեց, որ, չնայած նորմալ աշխատանքին, Հովսեփյանն, իհարկե, ունեցել է թերություններ:

Հովիկ Աբրահամյանը համոզված է, որ Կոստանյանը եւս պրոֆեսիոնալ է, ունի գիտելիքներ: «Լսելով նրա ելույթը` զգացել եմ նրա մոտեցումները` որ տրամադրված է ազնիվ եւ արդար աշխատելուն»,- ասաց նա:

Լրագրողներից մեկի դիտարկմանը, թե չի՞ կարծում, որ խնդիրը ոչ թե անձերի, այլ համակարգի փոփոխության մեջ է, Աբրահամյանը պատասխանեց. «Ցավոք, մեր երկրում դեռ անձերից շատ բան է կախված»: