Երևանում կանցկացվի առաջին բուսակերական փառատոնը

 Սեպտեմբերի 29-ին Հայաստանում առաջին անգամ կանցկացվի բուսակերական փառատոն` Vegan Fest Yerevan-ը, որը տեղի կունենա Երեւանի Մաշտոցի պուրակում:

Հայաստանյան փառատոնի կարգախոսն է «Ընտրիր կյանքը»: Այն նպատակ ունի Հայաստանում տարածել առողջ ապրելակերպի գաղափարը, ինչպես նաև ևս մեկ անգամ հիշեցնել կենդանիների շահագործման խնդրի, նրանց՝ բռնությունից և տառապանքից ազատ ապրելու իրավունքի մասին: 

Փառատոնի ընթացքում կլինեն մշակութային, սպորտային և ժամանցային տարաբնույթ միջոցառումներ, դասախոսություններ առողջ սննդի մասին, բուսական համեղ սննդի հյուրասիրություն, մրցանակների խաղարկություն մասնակիցների միջև և մի շարք այլ հաճելի անակնկալներ: