Սերժ Սարգսյանը հանդիպել է ԵՄ երկրների դեսպանների հետ աշխատանքային ճաշի սեղանի շուրջ

ՀՀ նախագահ Սերժ Սարգսյանն այսօր նախագահի նստավայրում աշխատանքային ճաշ է ունեցել Հայաստանում հավատարմագրված Եվրամիության անդամ երկրների դեսպանների հետ. տեղեկացնում է ՀՀ նախագահի կայքը:

Ավանդական ձևաչափով այդ հանդիպման ժամանակ հանրապետության ղեկավարը դեսպանների հետ խոսել է Հայաստան-ԵՄ փոխգործակցության օրակարգային հարցերի, Հայաստանում շարունակվող բարեփոխումների ընթացքի, մեր երկրի կողմից իրականացվող քաղաքականության ուղղությունների մասին:

Վերոնշյալ թեմաների շուրջ անկեղծ և անկաշկանդ մթնոլորտում տեղի է ունեցել մտքերի փոխանակում: Նախագահ Սերժ Սարգսյանը պատասխանել է նաև հանդիպման մասնակիցներին հետաքրքրող հարցերին: