Խաչատրյանական երաժշտության եւս մեկ երեկո

2013-ը հոբելյանական է Արամ Խաչատրյանի համար. այս տարի լրանում է մեծանուն կոմպոզիտորի 110-ամյակը: Հայաստանի պետական ֆիլհարմոնիկ նվագախմբից Yerkir.am-ին տեղեկացրին, որ նվագախումբն այս տարի կունենա համերգներ` նվիրված Խաչատրյանի հոբելյանին:

Սեպտեմբերի 14-ին Երեւանյան 7-րդ միջազգային երաժշտական փառատոնի շրջանակներում կլինի խաչատրյանական երաժշտության երեկո: Ծրագրում կհնչեն Խաչատրյանի ստեղծագործություններից «Կոնցերտ. ռապսոդիա թավջութակի եւ նվագախմբի համար» եւ «Ջութակի կոնցերտը»:

Որպես մենակատար` հանդես կգան թավջութակահար Նարեկ Հախնազարյանը (ՌԴ) եւ ջութակահար Բորիս Բրովցինը (Մեծ Բրիտանիա): Համերգը կղեկավարի ֆիլհարմոնիկ նվագախմբի դիրիժոր Էդուարդ Թոփչյանը: